Nos últimos anos o illote sufriu un importante proceso de alteración das superficies areosas, como corresponde ao seu ambiente dunar. A duna norte reduciuse considerablemente en altura e extensión, mentres que nas praias desapareceu case un metro de area só nos últimos seis anos.
Guidoiro Areoso. Evolución e movemento da duna ao longo do tempo
Como consecuencia desta situación, outros xacementos arqueolóxicos saíron á luz. Agora coñecemos un total de cinco estruturas megalíticas, e abundante material arqueolóxico do neolítico final e de comezos da Idade do Bronce se esparexe pola zona intermareal. A acción do mar, inexorable, está a afectar a estes xacementos alterándoos e facéndoos desaparecer paseniñamente.
Guidoiro Areoso. Erosión da duna xunto da mámoa 4 e presenza dun concheiro na súa base.
Guidoiro Dixital 