Fantásticas noticias!
Xa o sabiamos desde hai uns días pero tiñámosvos unha pequena sorpresa para hoxe, día en que comeza a escavación arqueolóxica. Nas próximas semanas seremos un pouco menos “dixitais” para amosar un pouco de arqueoloxía real.
Dentro do programa de difusión que a empresa adxudicataria dos traballos, Tomos, SL, presentou para facerse co contrato, incorporou unha serie de accións nas redes sociais. Estas inclúen contas de Facebook, Instagram e Youtube, propias para a escavación, e un blog para difundir contidos máis en profundidade. E cando chegou o momento de comezar os traballos, propuxéronnos, no lugar de crear un blog específico, facer as diferentes entradas nesta páxina. Como comprenderedes, estivemos encantados, e en canto a Xunta de Galicia deu tamén a súa aprobación, puxémonos a preparalo todo. A partir de agora, e durante ós próximos dous meses, o equipo de difusión da empresa iranos contando os progresos na intervención arqueolóxica e que cousas van atopando. Todas as entradas irán marcadas na súa propia categoría “Mámoa 4”.
Non deixedes de seguirnos!
Guidoiro Dixital 
Ole
Unha maravilla. Tantos anos convivindo cos mortos ..
Bo traballo